久違了

這陣子做了兩件久違了的事。第一件就是去唱lunch K。好耐無去喇，感覺唱lunch K真係超值，一份午餐連一杯飲品，仲有歌仔唱。再見埋呢份午餐咁似d兒童樂園餐，簡直開心到呢~~~

第二件事就係山長水遠，特登去灣仔食哈迪斯。計下計下，都有成十年無食過喇。今次食左三藩市炭燒芝堡，真係好好味。上網查過話哈迪斯得返荃灣城市中心第一期商場地下、荃灣廣場地下、馬鞍山新港城中心2118號舖、中環皇后大道中88號、灣仔莊士敦道94-100號。但亦有人話只剩灣仔一間。究竟邊句係真呢?無論點都好，個結論都係，邊位想食哈迪斯的朋友就趁早喇，遲d都唔知仲有無得食。