又過了一個聖誕節

今年的聖誕節，小女子係大陸渡過，幸好無驚無險。點解咁講?

話說，原始人同大帥兩人坐係羅湖商業城某一酒樓等朋友前來時，由於實在忍不住，要去方便一下，但又不太敢自己一人前往。就係呢個時候，隔離枱兩位香港太太起身向洗手間方向走去，原始人一於死跟。去到toilet，原本八格的，唔知點解得兩格開到，成個洗手間有三個洗手盤位置，但已企左四個內地女仔係度，每人手中拿著一隻杯係度洗。兩個香港太太當然入左去方便先啦，我就唯有等。之後佢地其中一個出左黎，我咪立刻入去，心諗：總之要快。

出到黎，個景象有點怪。洗杯的女仔仍然在洗同一隻杯，洗手間內多左一架有我咁大的垃圾車及一個望住你傻笑的清潔女工。而那兩個香港太太就企係度傾談，當我洗完手離開時，兩位香港太太就一起走，仲邊行邊回頭望下我，直到回到酒樓坐位後，她們便跟朋友結賬離開了。究竟係我多心，又或是那兩位香港太太怕我會有咩意外，刻意等埋我呢?無論點，都多謝佢地等埋我的~