椎間盤突出症

今天在網上看到一編Blog，看後心裏有點怕， 不得不轉過來跟大家分享下，希望大家可以重視一下坐姿和多點做運動，我們平時上班坐在Office 八個鐘的人，真的要小心。詳文如下：

~~~~~~~~~~~~我是可愛的分隔線~~~~~~~~~~~~

話說星期五早上，我還是好好的，只是腰間有點酸痛。工作至3時後，腰背就開始超痛。但仍行動正常，吃過lunch後回office一坐下，開始動作都變慢了。6點時，我要「折」腰的坐，一伸直就好痛，但都可以行動。回家後，沖過涼，訓在床上，真係一訓不起了。我花了十多分鐘先訓到落床，花廿多分鐘爬番起身。起初我以為係拉親d肌肉，因為開頭的痛很像拉親一樣，但係上落床的痛係真的入心入肺似的。是超級無敵痛。被以前手腕脫臼更痛!!!!
第二天，我直頭原全起唔到床，一路試一路喊，真係好xxxxxyzyyzyyzyz的痛。男友說call白車，我唔肯，我死都唔信西醫架啦。我要看醫師!!! 跟住用左都唔知幾耐先爬左起身，去左推拿，係呀我後來先知好彩架ja，如果唔係推傷左仲大煲!!!! 個推拿師一見我個背部就問「你搞咩呀!」.....係lor，搞咩野呀!!!
推左二粒鍾，平時可以推0米腳架啦，佢都只能推頸和肩，她說我那part硬到阿媽都唔認得。anyway，之後係放鬆左好多，但都痛於是再去看醫師。
醫師一把脈，咩都唔洗睇就說「出邊剛剛看完的y小姐跟你一樣，椎間盤突出症，你比她好運先來找我。她看了西醫做了十幾萬手術之後，現在日以計夜的吃止痛藥。」
原來椎間盤突出症有分潛服期同即時爆發形的，y小姐是即時爆發看急診做了磁力共震，再開手術，而我經醫師一聽之下是潛服多年的病症。
究竟椎間盤突出症是什麼?
我們背部榷骨之間都有一個好像膠的東西，用來將榷骨之間所受的壓力減去以免影響坐骨神經，這一些膠的東東就是椎間盤，像個盤子一樣的duo住d骨骨。據醫師兩次出現椎間盤突出症，她都只是做一些大家日常做的野，包括坐在椅子時反手在後邊拿舌棒以及一次在廁所反手拿廁紙。而那位y小姐，只是在工作時掉了之筆，她坐在椅上一執，就即是椎間盤突出戚得她的神經痛死，成個人p在地上送入院。
果然，細個讀書時說過姿勢要正確唔係假架。當你以為，車，我都無事，就係我一直的心情。我想，真是留意到有所謂椎間盤突出症的特徵是四、五年前，腰和腿經常痛。而且在一次去曼谷玩時，那天shopping行了10多個小時，晚上去massage時，沖涼的時候跌了一塊肥皂，我彎腰去執時，突然感到腰部好似有幾下被刀仔割感，我成個人跪坐在地上。當時好驚，但轉頭又沒事，我就想「只是行得耐痛的吧」。行黃山、盧山、去日本時都係有這情況，但是不會跌下來，因為心理有準備吧。
跟住，成日覺得肚十分漲漲，我就想點解食0甘小野，又去游水個小肚仔仲係大大個的呢。驗婦科野又無事。anyway，醫師說很多起初都是很輕微，她把脈也摸不出，是比較突出的時候阻了氣血才可以知，但是很多人都會去了急症室，跟住........。
當時y小姐和她的老公仔在，她跟我說西醫大多會叫你切左突出來的一部份，原因是這時一直的做法。而我，昨天做左d咩呢，勁啦，聽住，係啪番舊突左出來的椎間盤入去........
你想問幾痛嗎? 1-5分，5分最高的話
m痛要告假大約是3分手腕脫臼痛大約是4.5分未fix前的椎間盤突出症5分fixing個椎間盤突出症時...........如果可以的話，我一定暈過去..... 100分........
痛到我係0甘叫「救命呀...嗚.....救命呀......嗚..........呀~~~~~!」當時我男友要負責把我雙臀拉向前，這樣那榷骨才會露出較大的空位，醫師「卡啦」一聲推番我舊野入去。跟住雖然仲有d痛，已經變到less than 1分的痛。落床如常似的。行動都不再痛，不過醫師說有這狀況的人多時office工，長期坐小運動背肌的人。游水是最好的方法去build背部的muscle，好，以後日日游。再痛一次我真係死得架啦。
我明天去一星期針兩次以上，我都怕針上炙仲要加電，好唔自在，但係針上灸加電都沒有0.5分的痛，死都做啦係0米。
大家以後都要多d build muscle呀，姿勢要小心，真係好x痛，而家都坐得耐有d痛。哎........嗚.............。