天氣轉了

唔經唔覺，已經慢慢進入冬季喇，不過都成十一月尾，相比起以前，真係凍遲左好多。近日喉嚨仲係好唔舒服，不過飲左薑茶就好d。大家不防試下呢隻：豐美牌蜂蜜薑茶，好有薑味，又甜甜地，好易入口。

學習攝影中

大帥好英呀~~~有點當年王傑feel呢~

原本影的時候無諗住影人的，咁啱呢兩位路人行過，但係又有種好得意的感覺……王家衛feel???

再遊濕地公園

上次去濕地公園見唔到貝貝，今次一入去就見到佢張開口散熱喇~好野~不過佢好快就走返入去個洞度lu~








左望望，右望望。大家係唔係想知我望咩呢?其實係無野睇的，我只係扮望緊野俾大帥影相咋，不過我望得太耐，好似睇得好投入咁，搞到好多人都以為有野睇，齊齊望埋一份，當我地影完走的時候，竟然發覺有十幾人圍住齊齊望~

又快到聖誕節喇

聖誕節就快到，各大小商場都已經開始佈置了。某日行經觀塘APM，看到這景況，大家聯想起甚麼呢?可能我個人比較衰，唔知點解一見到呢個場景，我就諗起鬼域入面 “吊頸森林”呢一幕……

契女生日快樂

遠在加拿大的契女今日已經兩歲喇，生日快樂!呢個芒果蛋糕係妳離港前契媽親手整俾妳食ga，唔知妳大個左仲記唔記得呢?

無論點都好，最緊要身體健康、快高長大，記住要錫媽媽呀~

新玩具

由於大帥買了一部新相機，Canon EOS 350D，我就有新玩具玩喇~原來呢種較為專業的相機影相時都幾有學問，又要較光圈、又要較快門、仲要了解四周環境先影得靚。如果用不同的鏡頭，就會影到唔同質素的相……真係有排玩、有排學……不過影出黎的相，無論顏色、光暗都比普通機靚，真係值得花時間去研究的~

送行記

星期日一大班人到機場送機。好友同b女渡假完畢，又要走喇，回港無期，所以特別感觸，望住佢地入閘差d忍唔住喊埋一份(唔得，點都要忍，如果唔係好友媽媽見到我地喊，佢會喊得仲勁，死忍~~~)。大大話話都識左十幾年喇，幾年前佢嫁去外國，仲生埋個女。今次回港，覺得佢待人處事都成熟左好多，個人仲開朗左~畢竟己經係媽媽級，點都唔同d~

神州之行

兩日一夜的神州之行完滿結束，試過當地美食，舒適的住宿環境，亦參觀了世界之窗。行完世界之窗，就好似一日去左多個國家，確實係一個旅遊及拍照的好地方。不過收費比想像中貴，入到去見到的遊戲都要再付款，果然不失中國人做生意的作風。聽同事說，世界之窗附近有一個好玩的地方 “歡樂谷”，希望下次再有機會到深圳時去玩下。不過整個十一月都無假，要等到聖誕節lu~