兒童創意

某日行經銅鑼灣的地鐵站，見到這幅地鐵燈箱，係 “嘉文國際幼兒園暨幼稚園”的小朋友以聖誕節及農曆新年為題做的作品。見到他們以手印做聖誕鹿的角；年獸的身亦以紅、金相間，紅色部份更配以梅花做點綴。雖然知道應有大人協助，但仍覺得此作品頗有創意及心思。

冬日裏的溫暖

大家唔好誤會，呢個唔係飯盒，而係一個已離開公司的朋友託人送過來給我的澳門手信--杏仁餅，雖然經過咁長途跋涉、攀山涉水黎到我手上時已經差唔多碎哂，但見到朋友的呢份心思，令我係呢個轉凍的天氣下突然覺得很溫暖。珍妮，多謝哂~~

07年的新生命

有日返到公司，見到房中的鐵樹出芽了。再細看這盆陪了我差不多一年的鐵樹，葉是長很多，芽也出了兩個，但樹身好像沒有長高過。要到甚麼時候這盆鐵樹才會高過我呢?

寵物豬

有人話自己好愛惜d貓貓狗狗，唔會打佢地、唔要佢地。仲對虐待寵物的人怪責甚深。但係士巴拿聽聞越來越多人養寵物豬，咁佢地又係唔係會戒食豬肉呢?

話到口中留幾句，理從是處讓三分

2007年咁就開始左十幾日喇，自覺呢排的忍耐力及耐性都差左，好容易 “炆爭”。每當同一時間發生多幾樣自己控制範圍以外又唔可以唔理的事時，就會係咁。希望煩惱的事快d過去，唔好再影響我的情緒啦。又或者，我應該再學下點樣可更有效咁控制自己的情緒。例如：放工去toilet對住塊鏡同自己諗咒：你已經放工喇，唔好再諗公司野喇…你已經放工喇，唔好再諗公司野喇…哈哈哈~~~
(此圖係06年聖誕節到深圳Starbucks飲野時，當地職員送給我的)