久違了的blog

好耐無寫blog了，搞到我個blog好似週記or雙週記咁。

回想近黎的重要事件：幫大帥錄 “不可思議事件”，做嘉賓主持呢!感覺幾新鮮，要扮唔識對方，跟住自我介紹同講鬼故，但有d時候會忍唔住想笑，好彩都一take過搞掂。忍唔住笑的地方，就有勞大帥剪走佢喇。

另外幫大帥的拍短片功課做場地攝影，又曬又大風，不過由於係第一次做，同埋見到佢地好俾心機去拍，所以感覺都幾好，難得佢地仲話我的相影得唔錯，乎合佢地的要求。拍攝當日，見到周圍的人好奇咁望住我地拍野，店舖內的sales又好興奮咁行出行入，之後發覺無明星睇就唔再理我地；其中一個扮派傳單的演員可能太神似，竟然有途人向佢揮手表示唔要傳單，真係好搞笑。

另外一樣花了我最多時間、最大壓力、最無信心的，就係找醫生醫我耳仔內的Keloid。嘗試過以中醫的方法，食中藥、戒口、針灸，全部都做齊，但毫無進展，最後都係採取西醫建議，接受注射類固醇療程。打了第一針已明顯見到好轉，待覆診時便知是否有需要打埋其餘兩針。打針後身體也無異樣，其實醫生都已經講過毫無副作用呢!只是我自己過份擔心吧!

士巴拿天真地說：我督下Mario的耳仔，等我隻耳仔快d好返先~

大帥無奈地說：你好似係左耳有事，你督Mario右耳係無用的……同埋……究竟係士巴拿高d，定係Mario高d呢?

士巴拿：……