開心就係咁簡單

今日原始人帶了一條有上圖花樣的手鏈。於公司與同事A一起等她的上司開會時……

原始人玩緊條手鏈：究竟呢粒珠係玫瑰花，定係想話我知佢係細碼呢?

同事A望左一眼之後……笑到收唔到聲…..佢上司唔知幾時係我地後面聽到我講的野，都係度笑…….跟住三個人一齊硏究條鏈……(可能我地工作太大壓力，傻左)

放工時，與同事A一齊行去巴士站，佢同佢朋友講電話。

同事A：喂，你係邊呀?…哦…係巴士上格床訓緊覺呀…

原始人係隔離已經笑到停唔到，佢收左線先知自己講錯野…哈哈~~~~

想開心，其實真係幾簡單。

想同陽光玩遊戲

今日都係時晴時大雨咁，希望星期日會好天，又唔好咁熱，可以同陽光玩遊戲啦。好耐無去郊外玩過，想去踩單車、影下相。

圖：攝於2006年11月26日濕地公園

門口狗

某日，行經佐敦及尖沙咀交界的其中一間店舖時，眼尾見到一隻狗被放在店門外，再看真一點，原來是 "裝假狗"。感覺幾得意，可惜其實佢都已經好dirty。

很好吃的生果撻

如題。唔係街邊買的，係朋友整俾我食的。點解恩子識的朋友都咁叻?我都要俾心機upgrade下自己先得。

變變變=風雲變色+變住宅

今早於公司埋頭苦幹時，突然聽到 “沙沙”聲，望看窗外，原本灰灰的天竟然下起傾盆大雨，遮掩窗外的一切。轉身取文件後再望，已看見上圖灰灰的一片，好像只有十幾秒吧…到下午時分，終見到陽光了，藍天白雲，跟早上的差別真的很大…

大帥終於搬了~由當初的地盤look…
到裝修期間… (無錯，大帥係著緊冷衫...當時仲係幾凍)

跟住五體投地… (都係無錯，大帥著緊長袖衫，當時仲係涼涼地)
終於係30幾度高温下入伙了~恭喜恭喜~