請大家幫幫手，急~

圖中雙眼好似發青光的狗(其實係我部相機的閃光燈)，個名叫蕃薯(又名薯薯)。佢好得意、幾聽話的。不過我個朋友由於某種原因唔可以再養佢喇，希望大家可以幫下手，睇下有無人可以收留佢啦。以下係佢的資料：

名稱： 蕃薯 (又名薯薯)

品種： mix (唐狗+金毛)

歲數： 5 Years Old

顏色： golden yellow( short hair)　好ｓｈｉｎｙ！

性別： 女

性格： 有時呆呆地，有ｄ細膽；
動態似貓多過似狗，好嗲；
見到主人回家會好開心，不停打圈觀迎；
唔會聊d唔識gei 人玩，唔會好胃食；
好保護主人，勁忠心，幾聽話（不過要惡少少，唔係會恰返你轉頭）
勁温馴(扯佢條尾都唔會發惡，保證可以同細路仔玩)
size： large size 　(3尺左右)
weight： 60 lbs
最唔鐘意： 剪腳甲
最鐘意： 去街街（聽到“去街街”三個字就會眼仔碌碌，豎起耳仔望住你，好醒神咁）
識得： 比手手，sit sit，伏底，向左轉，向右轉，自己去ｔｏｉｌｅｔ
喜愛食物： 栗子，甜夾爽ga生果

ｓｕｍｍａｒｙ：佢真係好馴好聽話，佢出世幾日就已經養佢，到而家都幾年喇，如果唔係迫不得意gei話都唔會送比人，希望有人收留佢，我真係唔想送佢去愛護物協會。我朋友屋企有個2歲的BB，蕃薯會成日跟住佢，唔俾佢四圍撞，BB跌低又會去dum返佢，所以蕃薯係可以幫手照顧小朋友的。如果有任何消息或疑問，請留言給我，請好心人救救大蕃薯~~~

巴士驚魂

幾年前的某一日，士巴拿的舊同事坐巴士去街街。當佢差一級便成功到達巴士上層時，怎料巴士突然轉彎，她手一鬆，整個人從樓梯滾了下去直達落車門前。成個就咁訓左係度唔郁得。印象中，意外發生後差不多一年時間，她完全失去工作能力。幾年後的今天，她還是行動有點不便。

估唔到，巴士的意外又會再一次出現係自己的身邊。昨天搭巴士上班，遇著個駕車技術 “極好”的司機。士巴拿早已認得呢位司機叔叔，並不是佢特別有型靚仔。而是他經常突然煞車的駕駛技術，早已係士巴拿心中埋下深深的印象。即使係坐著，有很多時都會因他突然煞車而頭撞座位的頭枕。話說回來，昨天坐車時，車內有四個人站著，呢位司機叔叔又再一次展示他的技術，此時士巴拿坐在位上，身體已經向前衝。同時，一個原本站在士巴拿前面的女仔因失去平衡，跌在地上，直衝向前，直至頭撞司機位旁近車頭位置方可停低。此時司機連車上看到的乘客均嚇呆了。幸而這女仔無咩大礙，只是擦傷了小小。因此奉勸各位一句，搭巴士時要小心，站著時一定要捉緊扶手。

書到用時方恨少

正所謂：學海無涯。大家學下圖中人仕咁，無論變成點，睇多d書啦~不過係睇書的期間，記得要好好保護自己雙眼。

收到呢個別人轉發給我的治近視秘方，貼在這裏讓大家參考下吧!但如果真的要試，記緊揀d靚的龍眼。

濕地公園半天遊

上個星期六到濕地公園，雖然天氣悶熱又見唔到貝貝，但仍有個偷快的旅程。看似平凡的郊區山路，其實也隱藏著不少特別之處。圖中是一隻小小的紅蜻蜓，大小與一般的蜻蜓無異，若不是由於身旁途人不停舉著攝影機拍照，而我又八卦望下，真的不會發現的。有時到郊外地區走一下，也會發現一些令人愉快的事。

物件vs回憶

亞仁的一篇新文章《不放不放還須放》，看後很有同感。由於讀書時很少跟同學、朋友去街，所以覺得衣服鞋物不用多，因此當年初出來工作時，最初幾個月上班穿的全是姐姐給我的衣服，往後的日子就是自己買的，從此一發不可收拾。大概是因為從小到大無甚麼用錢的觀念，不知道甚麼為之貴，甚麼為之平。每當跟朋友出去的時候都會買一些東西，幾年來，枉花的錢故然不少，但房裏的東西也真的多得不得了。這陣子，一有機會就是執拾房間，把不要的東西丟出去。但在丟的過程中，媽媽又會在旁邊說甚麼 “敬衣得衣新”的道理，令到我又在想，有些東西買了回來，真的好像沒用過多少遍，這樣不要了又真的好像好可惜，所以又收起來了。就是這樣子，我的房間執拾了幾個月還未整理好。其實近這兩年我己經沒有買一些沒用的東西了，執拾期間發現，有很多東西被我留下來的原因是 “回憶”。不要這些東西，好像要跟我的回憶、我的過去道別一樣。如果叮噹是我的朋友就好了，可借他的放大縮細槍一用，真可減少我不少煩惱。