書展遊記

早前同左大帥去書展，買左一本小說同上圖的砌圖。一千塊連畫架都係三百多，色彩好靚，仲係我至愛的米老鼠，感覺好抵咁，勁開心呀~呢幾日都係度趕工，砌、砌、砌~已經見到成績喇，我地會繼續努力的~期待星期六去動漫節~

美心MX優生冬瓜

昨晚同大帥去了美心快餐食優生冬瓜，好好味呀。好足料，d湯好清甜。

個餐有一碗白飯、加一個小菜、一杯茶。大帥要魚塊，我就要牛肋肉。

魚塊用千島醬整的，酸酸地好開胃。牛肋肉係普通d，無咩特別，不過都好好味~都有100分呀~~

星期六日玩玩日

上星期六出席了一位小朋友的幼稚園畢業典禮，而家d小朋友畢業真開心，又可化妝、又可上台表現。記得N年前原始人幼稚園畢業都只係坐係台下，前面仲要俾d正在拍攝的大人們遮住哂，咩都睇唔到，所以我對幼稚園畢業典禮真的無印象…

星期日可能係不宜外出日。一早同大帥去觀塘椰林閣食早餐食到成肚氣。詳文見大帥blog。跟住去紅磡Ice Fire看開倉貨，但係無野睇啱。去漁人碼頭某日本料理食lunch，餐單上的椰島雪香，原來等於椰汁；夢幻雪香等於溶左但仲凍的士多啤利奶昔。兩個定食仲…燒青魚係硬的、天婦羅係 “林”的…唉…可惜無影相，因為已經無心情影…

聖誕樹?

早前在家品店以十元購入了一棵仙人掌，本以為他會向橫生長的，點知......不斷增高，好像一棵聖誕樹。猜想到了聖誕節，他已有一定高度，到時拿來做裝飾都幾好。